XX. mendeko Euskararen Corpus estatistikoa
Testuingurua
- Egunon, Juan Martin, zer, atzo lan asko baserrian?
- Koro irakaslea, irribarrez eta kaxondeo dexentez.
- Ez, belarrari alerjia diot eta etxean geratu behar nuen.
- Behar izan, behar izan.
- Ah, bai, geratu behar izan nuen.
- Belarrari alerjia!
Ba toki ederrean zaude, mutiko!
- Lehenengo aldia da, pastilak hartu eta ondo nago.
- Bueno, barrura, koadrila!
Eta Joxe Mari harakina, Pablo apaiza, Luis Koldo medikua, Izaskun tabernaria, Miren psikologoa eta seiok otzan-otzan sartu ginen Kororen atzetik.
Ahaleginak egin banituen ere Mirenen ondoan esertzeko, apaizarekin tokatu zitzaidan; binaka esertzen ginen, eskolumeak bezala.
Segituan jabetu nintzen egoeraz.
Joxe Mari harakinari Izaskun tabernaria gustatzen zitzaion (...).